ആലത്തൂരാങ്ങാടീലേങ്ങള്

           

           ആലത്തൂരാങ്ങാടീലേങ്ങള്…

         ആലത്തൂരാങ്ങാടീലേങ്ങള്  പോയീവരുംപോ

         ആകാശം തൊട്ടുതലോടുന്നോരാൽമരം  കണ്ടൂന്ന് ....

         ആലിപ്പഴം പൂത്തുനിറഞ്ഞത് കണ്ണാലെ കണ്ടെന്ന്

                                                                                                             (ആലത്തൂ.......)

         ആലിൻറ്റെ കൊമ്പത്തുകണ്ടൊരു മാവിൻമേ ചക്കാ ....

         നുണയല്ലാ ചങ്ങാതീ ഏൻപോയികണ്ടെന്ന് ....(2 )

                                                                                                             (ആലത്തൂ.......)

         ആറാട്ടുപൂരം കണ്ടുമടങ്ങിവരുമ്പോ

         കുയ്യാനാകുത്തീറ്റഞ്ചാറാളുമരിച്ചൂന്ന്

         ആനേത്തളയ്ക്കാനാവാതാകേവലഞ്ഞൂന്ന്

                                                                                                             (ആലത്തൂ.......)

         ആറാനക്കൂട്ടംകൂട്ടം കുളിക്കാനിറങ്ങിയേ

         മുട്ടോളം വെള്ളത്തില് മുങ്ങിമരിച്ചെന്ന്

         നൊണയല്ലാ ചങ്ങാതീ ഏൻപോയിക്കണ്ടൂന്ന്

                                                                                                             (ആലത്തൂ.......)

         കള്ളൊക്കെ മോന്തീട്ടു കളവുപാടണോന്നേ

         കണ്ടതിൽ വീഴാതെ നടവേഗം ക്‌ടാത്താ (2 )(GROOPP )

         നൊണയല്ലാ ചങ്ങാതീ ഏൻപോയിക്കണ്ടെന്ന് ..

         മാടത്തിലുള്ള എൻറ്റെ ക്ടാത്തിയാണേ സത്യം (2 )

                                                                                                            (ആലത്തൂ......GROOPP 4 .)